Comunidades Sefardíes Premio Príncipe de Asturias de la Concordia 1990

Discurso pronunciado por el Sr. Solomon Gaón

Moestros Hahamim (Savios) mos comandan en kada ocasion es noestro dover de agradecer al Dio bendico y a la gente ke mos azen y mos izieron bondades.

En este espiritu kero oy alavar al Creador de todo el mundo porke mos dio este memento quando la Fundación Príncipe de Asturias, da el Premio Príncipe de Asturias de la Concordia a las Comunidades Sefarditas de el mundo. Este acto mos amostra qui despues de quinentos anios, Espania da una bien venida a los Djidios que guardaron la lengua, las costumbres de Espania y specialmente el cariño por la antigua patria. Israel era para los Djidios Sefarditas la tierra santa, Espania la segunda patria. En la ventana de el almaryo en la sala demi caza estaban apegados dos poezias. Una era la Hatikva-el himno de la Esperansa que un dia vamos a retornar a la tierra santa y trayer la salvación a todo el mundo. La Hatikva es hoy el himno del estado de Israel. Esta poezia fue transladada al Ladino por el escrivano grande de Sarayevo, don Abraham Kapon, que era un colaborador de don Ramón Menéndez Pidal. Esta translacion que el libera avla de la tierra de Israel, "donde nuestros padres descendieron, Reyes de Israel gobernaron, donde temples santos sutiaron que los enemigos derrocaron. Alli es nuestra esperansa". El otro poema era A Espania, escrito también por Kapon, como el dize "en nombre de los Sefarditas amantes y conservadores de la lengua de Cervantes". "A ti, Espania bienquerida, nosotros "madre" te llamamos y, mientras toda nuestra vida, tu dulce lengua no dejamos. Aunque Tu nos desterraste como madrastra de tu seno, no estancamos de amarte como santisimo terreno, en que dejaron nuestros padres a sus parientes enterrados y las cenizes de millares de sus amados. Por Ti nosotros conservamos amor filial, pais glorioso, por consiguento te mandamos nuestro saludo glorioso". Estas dos poemas ke se topavan en todas las kazas de los Djidios de me chica ciudad exprimavan las dos ideas que giyavan la vida de los Sefarditas. La primera, Esperansa que un dia ya no vamos a ser perseguidos y en Israel con toda la humanidad encontraremos salvación. La segunda, un cariño muy fuerte por Espania que siempre los Sefardim la amaron y aunque expulsados no guardaron rencor para el pueblo Español y su cultura. Ay historianos que demandan porque los Djidios refugiados de Espania nunca se olvidaron de su viejo pais y nunca desaron de tener un amor filial para Espania. Ay solamente una respuesta: De todas las Diasporas en qualas bivian dispersos el pueblo de Israel solamente in Espania se creo una epoca de oro. No komo in las otras Diasporas, en Espania los Djidios no eran considerados como una menoría estranjera pero como una parte integral y buen integrada en el país Iberiano. Por esto si sintieron muy dolorozos quando los izieron salir de la tiera onde bevian casi dos mil anios. Solo si tomamos in consideración este facto vamos entender porque los Sefardim daron a la lengua Judea Espaniola, al ladino, una sanctidad solamente segunal al Ebreo. Las mas importantes oraciones en el sabado, i especialmente en los segundos dias de las pascuas eran recitadas en el ladino. Las mujeres dezian todos los dias sus oraciones solamente en Judeo Espaniol y no en Ebreo. Muchos Pizmonim (himnos) fueron transladados al ladino y se cantavan en melodias de las Romancas de Espania. Los padres y las madres bendezian a sus izas y izos en Judeo Espaniol. Asta la ultima guera quando muchas comunidades Sefardies fueron destroidas por los Nazis, en la synagogas de los Sefardim, los Rabinos solamente eran permetedos por las comunidades de predicar en Ladino y no en la lengua del pais onde bevian.

Los sefardim kerian recrear el aver (la atmosfera) de Espania en sus synagogas y por esto les davan los nombres de diferentes logares y provincias de la antigua Patria. En todos los logares de los Balkanes, y in Africa del Norte avian synagogas que se yamaron Kal (Synagoga) de Aragon, Kal de Castilia, Kal de Cordova, etc.

Contra la intolerancia de tiempos pasados, nosotros pedimos y ofrecemos hoy para todos los pueblos de la Tierra, para los hombres y mujeres de buena voluntad, un mensaje de tolerancia y concordia como único camino posible para el entendimiento de la Humanidad. En este mundo lleno de agitaciones y conflictos este mensaje de mutua tolerancia que existia en la Sefarad de ayer bine oy tambien en la nueva Espania. La nueva Espania symbolizada oy en la persona que da titulo a los premios que en este dia se entregan puede ser otra vez el mesazero de este ideal humano. Para mosotros los Djidios, Sefarad mos aze recordar el tiempo quondo muestros padres bevian in Espania en la quala hombres y muzeres practicando cultos diferentes, djidio, christiano y musulman, formavan una comunidad, dando al mundo un eshemplo de la ermandad y concordia que mutuo tolerancia puede trayer.

En nombre de los Sefadim kero dar otra vez noestras gracias a Vuestra Alteza Real, a vosotros exelentíssimos seniores de esta Fundacion no solamente por el mas prestijioso premio cultural de Espania pero tambien por la promesa que con este premio se van avrir para siempre para las comunidades expulsadas de Espania atras 500 anios, las puestas de el antiguo pais. Nosotros estamos yenos de emozion y esperansa komo dijo el ambasador de Israel en Espania que agora quando en Europa ay otra vez xenophobia y antisemitismo Espania toma un camino muy diferente de estas actitudes y buska lo mas bello de su pasado.

Kero acavar mis palavras con la anciana bendición de mis padres. Que fruchigue y muchigue Espania y su Rey y Reina, la familia Real, sus governantes y su puevlo.

BENDICIÓN AL PRÍNCIPE
"Él que concede salvación a los Reyes y gobierno a los Príncipes.
Él, cuyo reino es de todos los mundos.
Él, que salvo a su siervo David de espada mala.
Él, que hace camino en la mar y sendero en aguas turbulentas.
Él, que bendiga, proteja, guarde, ayude, enaltezca, engrandezca y eleve a lo más alto a su alteza real don Felipe, Príncipe de Asturias.
Amén".